Հրամանատարական հավաքներ, մարտավարամասնագիտական զորավարժություն, ուսումնական վարժանքներ․ ՊՆ-ն՝ զորամիավորումներում կատարվածով - RadioVan.fm

Онлайн

Հրամանատարական հավաքներ, մարտավարամասնագիտական զորավարժություն, ուսումնական վարժանքներ․ ՊՆ-ն՝ զորամիավորումներում կատարվածով

2022-05-31 18:15 , Общество, 752

Հրամանատարական հավաքներ, մարտավարամասնագիտական զորավարժություն, ուսումնական վարժանքներ․ ՊՆ-ն՝ զորամիավորումներում կատարվածով

Մայիսի 30-ից 31-ը N զորամիավորումում անցկացվել են հրամանատարական հավաքներ։

ՀՀ պաշտպանության նախարարության (ՊՆ) հաղորդմամբ՝ քննարկվել են մարտական պատրաստության, զինվորական կարգապահության ամրապնդման և մարտական հերթապահության կազմակերպման հարցեր։ Վերլուծվել են կատարված աշխատանքների արդյունքներն ու նախանշվել առկա խնդիրների լուծման ուղիները։

Զինծառայողների դաշտային վարժվածության մակարդակը բարձրացնելու նպատակով էլ այսօր հակաօդային պաշտպանության N զորամասում անցկացվել է մարտավարամասնագիտական զորավարժություն։

«Հրամանատարները ճշգրտել են պայմանական մարտական խնդիրները, ստորաբաժանումներին տվել համապատասխան հրահանգներ։ Անձնակազմը բացազատել է հակաօդային պաշտպանության միջոցները և, ըստ ուղղությունների, կատարել առաջադրված խնդիրները»,-մանրամասներ է հաղորդում պաշտպանական գերատեսչությունը՝ մեկ այլ հաղորդագրությամբ էլ հայտնելով, որ N զորամիավորման հատուկ նշանակության ստորաբաժանումների զինծառայողների հետ անցկացվել են ուսումնական վարժանքներ` խմբերի կազմերով:

«Խաղարկվել են բարդ լեռնային պայմաններում պայմանական հակառակորդի թիկունք ներթափանցման և կարևորագույն օբյեկտների ոչնչացման գործողություններ»,-ասված է ՊՆ տարածած հաղորդագրությունում:

Лента

Рекомендуем посмотреть