Онлайн
Սենատորներ Մենենդեսի ու Ռիչի հետ հանդիպմանն իբր ուշանալու մասին «տեղեկատվությունը» չի համապատասխանում իրականությանը։
Այս մասին «Ֆեյսբուք»-ի իր էջում գրել է ՀՀ արտաքին գործերի նախարարության (ԱԳՆ) մամուլի քարտուղար Վահան Հունանյանը:
«ՀՀ ԱԳ նախարարի գլխավորած պատվիրակությունն հանդիպման է ժամանել ճիշտ ժամանակին։
Մամուլին կոչ ենք անում զերծ մնալ տեղեկատվական հերթական աղբի տիրաժավորումից»,- ասված է Հունանյանի գրառման մեջ:
Նշենք՝ Հայաստանի արտգործնախարարի՝ ԱՄՆ սենատոր Մենենդեսի հետ հանդիպումից 30 րոպե ուշանալու մասին հայտնել էր միջազգայնագետ Սուրեն Սարգսյանը։
Նա ֆեյսբուքյան գրառմամբ նշել էր նաև, որ «մեկ այլ սենատոր՝ հանրապետական Ռիչը, ով նույնպես պետք է մասնակցեր հանդիպմանը, 20 րոպե սպասելուց հետո վրդովվել է և ցանկացել է հեռանալ, սակայն նրան շատ են խնդրել մի փոքր էլ սպասել»:
