«Զորաց քարեր»-ի մուտքը հունիսի 1-ից կլինի տոմսով

Հունիսի 1-ից «Զորաց քարեր» բնակատեղի պատմամշակութային արգելոցը անցնում է տոմսային տնտեսության։

Կրթության, գիտության, մշակույթի և սպորտի (ԿԳՄՍ) նախարարության Պահպանության Ծառայություն ՊՈԱԿ-ից հայտնում են, որգործելու են տոմսերի հետևյալ սակագները՝

ՀՀ քաղաքացիներ և ԵԱՏՄ անդամ պետությունների քաղաքացիներ՝ 700 ՀՀ դրամ

Օտարերկրացիներ՝ 1400 ՀՀ դրամ

Դպրոցական տարիքի երեխաներ՝ 100 ՀՀ դրամ

Կենսաթոշակառուներ և փախստականներ՝ 350 ՀՀ դրամ

Ուսանողներ՝ 200 ՀՀ դրամ

Հայերեն լեզվով բացատրություն (էքսկուրսիա)՝ 2000 ՀՀ դրամ

Օտար լեզվով անցկացվող բացատրություն(ռուսերեն, անգլերեն)` 4000 ՀՀ դրամ։

«Զորաց քարեր հնավայրը Հայկական լեռնաշխարհի պատմամշակութային եզակի օրինակներից է և դեռևս մեծ անհայտներ ունի թաքնված իր ընդերքում: Անհրաժեշտ է լավագույնս պահպանել, վերահսկել և շարունակել արգելոցի հուշարձանախմբի ուսումնասիրությունը քայլ առ քայլ»,-ընդգծում են ՊՈԱԿ-ից։