«Հայաստանը չեղարկել է արդեն համաձայնեցված հանդիպումը»․ Ալիևը՝ սահմանազատման հարցերով հանձնաժողովների չկայացած հանդիպման մասին

Ադրբեջանի նախագահ Իլհամ Ալիևը հայտարարել է, թե Հայաստանը հրաժարվելէ սահմանների դելիմիտացիայի հարցով հանձնաժողովների համաձայնեցված հանդիպումից։ Ադրբեջանական լրատվամիջոցների հաղորդմամբ՝ Ալիևան ասել է, թե

«Ադրբեջանը ժամանակին ստեղծել է աշխատանքային խումբը և պատրաստ էր պատվիրակություն ուղարկել։ Դա համաձայնեցված էր հայկական կողմի հետ։ Սակայն վերջին օրը՝ ապրիլի 29-ին, Հայաստանը չեղարկել է արդեն իսկ համաձայնեցված հանդիպումը»,-ադրբեջանական լրատվամիջոցների հաղորդմամբ՝ հայտարարել է Ալիևը։

Նրա գնահատմամբ՝ այդ իրողությունը շատ հիասթափեցնող է եղել։

«Է՛լ ավելի հիասթափեցնող էր, կրկին Հայաստանի առաջարկով, մայիսի 7-11-ի նոր հանդիպման անցկացման մերժումը»,-ասել է Ալիևը՝ նշելով, թե Բաքուն Երևանից նոր՝ ցանկացած ժամկետի է սպասում աշխատանքների մեկնարկի համար։

«Նման անպատասխանատու դիրքորոշումը, իհարկե, մտահոգություն է առաջացնում»,-ասել Ադրբեջանի նախագահը։

Հայտնել էինք, որ Հայաստանի և Ադրբեջանի միջև սահմանազատման հարցերով հանձնաժողովների նախատեսված հանդիպումը չի կայացել։ Հայաստան-Եվրամիություն գործընկերության խորհրդի նիստին ընդառաջ, պատասախանելով լրագրողի հարցին, Բրյուսելում ՀՀ արտաքին գործերի (ԱԳ) նախարար Արարատ Միրզոյանն ասել է, որ կան որոշակի տեխնիկական մանրամասներ, որոնք կողմերը պետք է համաձայնեցնեն։

Նա վստահեցրել է, որ կշարունակեն այդ հանդիպումը կազմակերպելու շուրջ քննարկումները, և հույս ունեն, որ «առաջիկա օրերին կամ շաբաթներին հանդիպումը, ի վերջո, կկայանա»։