44-օրյայում երկու ոտքը կորցրած արցախցին հաշմանդամային բազկամարտի Եվրոպայի առաջնությունում ոսկե մեդալ է նվաճել՝ հաղթելով թուրք մարզիկին. ՀՀ-ն 22 մեդալ է բերել - RadioVan.fm

Онлайн

44-օրյայում երկու ոտքը կորցրած արցախցին հաշմանդամային բազկամարտի Եվրոպայի առաջնությունում ոսկե մեդալ է նվաճել՝ հաղթելով թուրք մարզիկին. ՀՀ-ն 22 մեդալ է բերել

2022-05-17 16:00 , Спорт, 1103

44-օրյայում երկու ոտքը կորցրած արցախցին հաշմանդամային բազկամարտի Եվրոպայի առաջնությունում ոսկե մեդալ է նվաճել՝ հաղթելով թուրք մարզիկին. ՀՀ-ն 22 մեդալ է բերել

Բազկամարտի Եվրոպայի չեմպիոն է դարձել 44-օրյա պատերազմում երկու ոտքը կորցրած, ծագումով Շահումյանի շրջանից Սարգիս Հարությունյանը։

«Նա եզրափակիչում հաղթել է Թուրքիայի մարզիկին։ Շնորհավորում ենք ուժի, կամքի, հերոսության մարմնավորող Սարգսին փայլուն արդյունքի համար»,-գրել է «Հյուսիսային արցախ. Շահումյան, Գետաշեն» ֆեյսբուքյան էջը։

Մայիսի 7-14-ը Ռումինիայի մայրաքաղաք Բուխարեստում կայացած հաշմանդամային բազկամարտի Եվրոպայի 24-րդ առաջնությանը, ընդհանուր, առմամբ, Հայաստանի ներկայացուցիչները 11 ոսկե, 5 արծաթե և 6 բրոնզե մեդալ են նվաճել Հայաստանի բազկամարտի հավաքականի մարզիկները 11 ոսկե, 5 արծաթե և 6 բրոնզե մեդալ են նվաճել:

ՀՀ կրթության, գիտության, մշակույթի և սպորտի նախարարության (ԿԳՄՍՆ) փոխանցմամբ՝ Հայաստանի բազկամարտի հավաքականի կազմում ՀՀ հաշմանդամային սպորտի Ֆեդերացիայի մարզիկները թիմային հաշվարկով զբաղեցրել են երկրորդ հորիզոնականը` առաջ անցնելով Թուրքիայի հավաքականից։

Հայաստանի հաշմանդամային սպորտի ֆեդերացիայի նախագահ Սարգիս Ստեփանյանի խոսքով՝ արդյունքներն ավելի քան գոհացնող են: Նրա գնահատմամբ՝ բավականին լուրջ արդյունքներ ենք գրանցել, մեր մարզիկները մասնակցել են գրեթե բոլոր դասակարգումներում, տարբեր քաշային կարգերում՝ աջ և ձախ ձեռքով:

Հայաստանի հաշմանդամային սպորտի ֆեդերացիայի նախագահն ընդգծել է, որ առաջնության մասնակիցներից 6-ը հաշմանդամություն են ձեռք բերել Արցախյան 44-օրյա պատերազմի ընթացքում: Սարգիս Ստեփանյանի խոսքով՝ հատկապես ուրախացրել է Սարգիս Հարությունյանի գրանցած արդյունքը.

«Սարգիսը, որն Արցախյան երկրորդ պատերազմի արդյունքում է հաշմանդամություն ձեռք բերել, աջ ձեռքով ոսկե մեդալ նվաճեց՝ եզրափակչում առավելության հասնելով Թուրքիայի ներկայացուցչի նկատմամբ: Երկար տարիներ է, ինչ մրցակիցը մարզվում է ու բավականին փորձառու է»:

Հավելենք՝ ԿԳՄՍ նախարարության, Երևանի քաղաքապետարանի և ֆեդերացիայի աջակցությամբ Հայաստանի բազկամարտի հավաքականի կազմում Եվրոպայի առաջնությանը մասնակցել է 14 մարզիկ, նրանք արդեն Երևանում են:

Лента

Рекомендуем посмотреть