Ընդդիմությունն այսօր իրազեկման երթեր է անելու դեպի Ֆրանսիայի հրապարակ

Այսօր կեսօրին Երևանի չորս ծայրամասերից դեպի Ֆրանսիայի հրապարակ կմեկնարկեն երթեր։

Ֆեյսբուքյան իր էջում «Հայրենիք» կուսակցության նախագահ Արթուր Վանեցյանը գրել է․

«Սիրելի՛ հայրենակիցներ,

Վաղը՝ ժամը 12:00-ին, հավաքվում ենք Գևորգ Չաուշի արձանի հարևանությամբ (Աջափնյակ վարչական շրջան, 15-րդ թաղամաս), որտեղից էլ սկսելու ենք իրականացնել մեր անհնազանդության երթը: Սպասելու եմ բոլորիդ:

Մեր երթուղին.

Գ. Չաուշի արձան- Բաշինջաղյան- Աբելյան- Շինարարներ- Արզումանյան- Հալաբյան- Կիեւյան-Բաղրամյան-Ֆրանս հրապարակ»։

Հայաստանի Հանրապետական կուսակցության փոխնախագահ Արմեն Աշոտյանը ֆեյսբուքյան իր էջում գրել է.

«Մայիսի 10-ին ժամը 11։30 Երևանի Սասունցի Դավիթի արձանի մոտից տեղի կունենա երթ- բողոքի ակցիա։ Միացեք և տեր կանգնեք ձեր հայրենիքին։ Կապիտուլյանտները պետք է հեռանան»։

Չորրորդ ակցիայի մասնակիցներն իրենց երթը կսկսեն Գայի պողոտայում գտնվող Մեգա Մոլի տարածքից՝ 11:30-ին։