ՀՀ-ից ՌԴ մեկնող տրանսպորտում 50 արկղ անակցիզ ծխախոտ է հայտնաբերվել․ ՊԵԿ-ը՝ անօրինական արտահանման դեպքի բացահայտմամբ - RadioVan.fm

Онлайн

ՀՀ-ից ՌԴ մեկնող տրանսպորտում 50 արկղ անակցիզ ծխախոտ է հայտնաբերվել․ ՊԵԿ-ը՝ անօրինական արտահանման դեպքի բացահայտմամբ

2022-04-25 16:12 , Право, 913

ՀՀ-ից ՌԴ մեկնող տրանսպորտում 50 արկղ անակցիզ ծխախոտ է հայտնաբերվել․ ՊԵԿ-ը՝ անօրինական արտահանման դեպքի բացահայտմամբ

Պետական եկամուտների կոմիտեն (ՊԵԿ) հայտնում է, որ Արևելյան մաքսատուն-վարչության աշխատակիցների մասնակցությամբ օրերս «Գոգավան-Պրիվոլնոյե» պետական սահմանային անցակետում հայտնաբերվել և կանխվել է 50 արկղ ծխախոտի անօրինական արտահանման փորձը:

««Գոգավան-Պրիվոլնոյե» մաքսային կետ-բաժին մուտք է գործել ՀՀ-ից դեպի ՌԴ մեկնող բեռնատար տրանսպորտային միջոց: Մաքսային տեսուչների մոտ որոշակի կասկածներ են ի հայտ եկել և որոշում է կայացվել ավտոմեքենան ենթարկել ռենտգեն զննման։ Սակայն վարորդի կողմից ներկայացվել է ավտոմեքենայի անսարքության վերաբերյալ կեղծ պատճառաբանություն, որից հետո վերջինս, առանց ավտոմեքենայի, լքել է մաքսային տարածքը: Վարորդը մաքսային կետ-բաժին է վերադարձել երեք օր անց, որից հետո տրանսպորտային միջոցը ենթարկվել է ռենտգեն զննության: Արդյունքում պարզվել է, որ բացի հայտարարագրված ապրանքներից, կցորդում առկա են չհայտարարագրված և առանց ակցիզային պիտակավորման 50 արկղ տարբեր տեսակի ծխախոտ՝ ընդհանուր մոտ 600 կգ քաշով»,-մանրամասնում են ՊԵԿ-ից՝ նշելով, որ փաստի առթիվ կազմվել է մաքսային կանոնների խախտման վերաբերյալ արձանագրություն և նյութերը ներկայացվել են ՀՀ ՊԵԿ հետաքննության և օպերատիվ հետախուզության վարչություն՝ գործի հետագա ընթացքն ապահովելու նպատակով։

Մանրամասները՝ տեսանյութում:

Лента

Рекомендуем посмотреть