Եվրախորհրդի նախագահն աջակցում է Հարավային Կովկասում խաղաղությանը նպաստելու Փաշինյանի և բոլոր ջանքերին

Եվրոպական խորհրդի նախագահ Շառլ Միշելը Twitter-յան գրառմամբ անդրադարձել է Հայաստանի վարչապետ Նիկոլ Փաշինյանի հետ երեկվա հեռախոսազրույցին։

«Ամբողջական աջակցություն նրա և բոլոր ջանքերին՝ նպաստելու խաղաղ, կայուն և ապահով Հարավային Կովկասին»,-գրել է Եվրախորհրդի նախագահը։

Spoke with Prime Minister @NikolPashinyan to follow up on our recent discussions in Brussels.

Full support to his and all efforts to promote a peaceful, stable and secure South Caucasus.
— Charles Michel (@eucopresident) April 19, 2022

Նշենք՝ երեկ կայացած Փաշինյան-Միշել հեռախոսազրույցում պաշտոնյաները մտքեր են փոխանակել, մտքեր են փոխանակել Եվրոպական խորհրդի նախագահի, Հայաստանի վարչապետի և Ադրբեջանի նախագահի ապրիլի 6-ին Բրյուսելում տեղի ունեցած հանդիպման ընթացքում ձեռք բերված պայմանավորվածությունների կատարման ընթացքին։

Հիշեցնենք՝ Շառլ Միշելի միջնորդությամբ եռակողմ ձևաչափով ապրիլի 6-ին Բրյուսելում կայացած հանդիպմանը Հայաստանի վարչապետն ու Ադրբեջանի նախագահը պայմանավորվել են մինչև ապրիլի վերջ ստեղծել սահմանների դելիմիտացիայի հարցերով երկկողմ հանձնաժողով, արտաքին գործերի նախարարներին էլ հանձնարարվել է մեկնարկել խաղաղության բանակցությունների նախապատրաստական աշխատանքները։