«Որոշում եմ կայացրել ինձ ազատել «ադմինիստրատիվ ծանրաբեռնվածությունից»». սրտաբանականի տնօրենը դիմում է գրել - RadioVan.fm

Онлайн

«Որոշում եմ կայացրել ինձ ազատել «ադմինիստրատիվ ծանրաբեռնվածությունից»». սրտաբանականի տնօրենը դիմում է գրել

2022-04-06 20:04 , Общество, 861

«Որոշում եմ կայացրել ինձ ազատել «ադմինիստրատիվ ծանրաբեռնվածությունից»». սրտաբանականի տնօրենը դիմում է գրել

Լ.Ա. Հովհաննիսյանի անվան «Սրտաբանության գիտահետազոտական ինստիտուտ» փակ բաժնետիրական ընկերության տնօրեն Պարունակ Զելվեյանը ֆեյսբուքյան գրառմամբ հայտնում է, որ աշխատանքից ազատման դիմում է ներկայացրել:

«Հարգելի ընկերներ և գործընկերներ, տեղեկացնում եմ, որ այսօր որոշում եմ կայացրել ինձ ազատել «ադմինիստրատիվ ծանրաբեռնվածությունից».

Սրտաբանության ինստիտուտի տնօրենի պարտականություններից ինձ ազատելու դիմում եմ ներկայացրել Երևանի քաղաքապետին:

Չեմ ափսոսում Սրտաբանության ինստիտուտին իմ կյանքից անմնացորդ նվիրած տարիների համար և ունեմ բավարարվածության զգացողություն իմ ու մեր թիմի կողմից իրականացրած աշխատանքներից:

Շնորհակալ եմ ինձ վստահողներին, աջակցողներին, օգնողներին: Հատուկ շնորհակալություն ինձ չխանգարողներին:

Հույս ունեմ, որ այս որոշումը ինձ կդարձնի առավել հասանելի, ու ես կկարողանամ լիարժեք ժամանակ տրամադրել կլինիկական և գիտակրթական գործունեությանը, ինչն ինձ համար առավել հոգեհարազատ է»,-գրել է Զելվեյանը:

Лента

Рекомендуем посмотреть