Ադրբեջանը դուրս է բերել իր զորքերը Ղարաբաղի Փառուխ համայնքից․ ՌԴ ՊՆ

Բանակցությունների արդյունքներով ադրբեջանական կողմը իրականացրել է իր ստորաբաժանումների դուրսբերումը Փառուխ բնակավայրի տարածքից. հայտնում է Ռուսաստանի Դաշնության պաշտպանության նախարարությունը (ՌԴ ՊՆ)։

ՏԱՍՍ-ի հաղորդմամբ՝ Ղարաբաղում ռուս խաղաղապահների առաքելության վերաբերյալ ՌԴ ՊՆ հաղորդման մեջ նշվում է որ «Ասկերանի շրջանում Ադրբեջանի զինված ուժերի կողմից հրադադարի պահպանման ռեժիմի խախտման երկու դեպք է գրանցվել. փոխհրաձգության արդյունքում յուրաքանչյուր կողմից վիրավորվել է երկու հոգի»։

Ընդգծվում է՝ «ռուսական խաղաղապահ զորախմբի հրամանատարությունը, համագործակցելով հակամարտող կողմերի ներկայացուցիչների հետ, կայունացրել է իրավիճակը»։