Ռազմական գործողությունների ժամանակ փաստաթղթերը կորցրած հայերը վերադարձի վկայականի տրամադրման կարիք ունեն․ Ուկրաինայում ՀՀ դեսպանությունը՝ բնականոն գործելու մասին

Ուկրաինայում ՀՀ դեսպանությունը հայտնում է, որ ողջ կազմով շարունակում է բնականոն գործունեությունը:

«Այս օրերին ուշադրության կենտրոնում են մեր քաղաքացիներին ցուցաբերվող օժանդակությանը վերաբերող հարցերը։ Օդեսայում Գլխավոր հյուպատոսությունը, Լվովում և Ուժգորոդում նորաբաց ՀՀ ժամանակավոր հյուպատոսություններն ամենօրյա ռեժիմով ընդունում են քաղաքացիներին, որոնցից շատերը ռազմական գործողությունների ժամանակ կորցրել են իրենց փաստաթղթերը և դեպի հայրենիք վերադարձի վկայականի տրամադրման կարիք ունեն։ Տրամադրվում են նաև այլ հյուպատոսական ծառայություններ։

Դեսպանությունը բազմաթիվ հեռախոսազանգեր է շարունակում ստանալ։ Առաջին օրերին դեսպանության դիվանագետները 24-ժամյա ռեժիմով օրական ստացել են 1000-ից ավելի զանգ, այժմ դրանց թիվը հասնում է միջինը 300-ի։

Նշյալ աշխատանքին զուգահեռ, դեսպանությունը ողջ ծավալովիրականացնում է այլ գործառույթներ՝ լիարժեք կերպով մշտական կապ պահպանելով ինչպես հայկական, այնպես էլուկրաինական գերատեսչությունների հետ»,-ասված է տարածած հաղորդագրությունում։