Տղամարդը մուրճով հարձակվել է Փաշինյանի հրաժարականը պահանջող «Ազատագրական շարժման» անդամների վրա - RadioVan.fm

Онлайн

Տղամարդը մուրճով հարձակվել է Փաշինյանի հրաժարականը պահանջող «Ազատագրական շարժման» անդամների վրա

2022-03-16 15:20 , Право, 983

Տղամարդը մուրճով հարձակվել է Փաշինյանի հրաժարականը պահանջող «Ազատագրական շարժման» անդամների վրա

Մարտի 15-ին անհայտ մի տղամարդ Երևանի Հյուսիսային պողոտայում հարձակում է գործել ՀՀ վարչապետ Նիկոլ Փաշինյանի հրաժարականի պահանջով ստորագրահավաք անցկացնող «Ազատագրական շարժման» անդամների վրա։

Այս մասին հայտնում են «Ազատագրական շարժում»-ից՝ նշելով, որ տեղում ծառայություն իրականացնող ոստիկաններն արագ արձագանքել և մեկուսացրել են բռնարարին։

«Ընդ որում, բռնարարի մոտ էր գտնվում մուրճ:

Րոպեներ անց դեպքի վայր ժամանած ոստիկանության հատուկ նշանակության ջոկատը բերման ենթարկեց հարձակում գործած տղամարդուն։

Մարտի 15-ին ևս երկու պրովոկացիոն միջադեպ գրանցվեց, որոնք կանխվեցին ոստիկանների կողմից:

Ոչ այս բռնարարի մուրճը և ոչ էլ վարչապետի աթոռը զբաղեցրած անձի մուրճը չեն կարող խոչընդոտել ստորագրահավաքի գործընթացին:

Հ.Գ. Դատելով ընթացքից, պրովոկացիաները շարունակվելու են»,-նշված է «Ազատագրական շարժման» ֆեյսբուքյան գրառման մեջ։

Лента

Рекомендуем посмотреть