Онлайн
Մարտի 10-ին Թուրքիայում կկայանա Ռուսաստանի Դաշնության (ՌԴ), Ուկրաինայի և Թուրքիայի արտաքին գործերի նախարարների եռակողմ հանդիպում։
Այդ մասին այսօր հայտնել է Թուրքիայի արտգործնախարար Մևլութ Չավուշօղլուն՝ հստակեցնելով, որ հանդիպումը կկայանա Անթալիայի դիվանագիտական ֆորումի շրջանակում, որին Սերգեյ Լավրովը և Դմիտրի Կուլեբան համաձայնել են մասնակցել։
«Անադոլու» լրատվական գործակալության փոխանցմամբ՝ Չավուշօղլուն հույս է հայտնել, որ առաջիկա հանդիպումը տարածաշրջանում խաղաղության ու կայունության հաստատման համար ներդրում կլինի։
«Բացարձակ առաջնահերթությունը ռազմական գործողությունների դադարեցումն է»,-ընդգծել է Չավուշօղլուն՝ միաժամանակ հայտնելով, որ ռազմական գործողությունների մեկնարկից ի վեր Ուկրաինայից տարհանվել է Թուրքիայի ավելի քան 12 հազար քաղաքացի։
