Онлайн
Ռուսաստանը պատրաստ է «ցանկացած պահի» դադարեցնել ռազմական գործողությունները, եթե Ուկրաինան կատարի իր պահանջները։
ՏԱՍՍ լրատվական գործակալության փոխանցմամբ՝ ասել է Կրեմլի խոսնակ Դմիտրի Պեսկովը։
Նա նշել է, որ Ռուսաստանը պահանջում է Ուկրաինայից դադարեցնել ռազմական գործողությունները, փոխել իր սահմանադրությունը՝ ամրագրելով չեզոք երկրի կարգավիճակ, ճանաչել Ղրիմը որպես Ռուսաստանի տարածք, ինչպես նաև Դոնեցկի և Լուգանսկի ինքնահռչակ հանրապետությունները ճանաչել որպես անկախ տարածքներ։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։ Հեռուստաուղերձում նա նշել էր, որ հանգամանքներն իրենցից «պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:
