ՄԻԵԴ-ը հրապարակել է «Փաշինյանն ընդդեմ Հայաստանի» գործով վճիռը - RadioVan.fm

Онлайн

ՄԻԵԴ-ը հրապարակել է «Փաշինյանն ընդդեմ Հայաստանի» գործով վճիռը

2022-01-18 17:42 , Право, 344

ՄԻԵԴ-ը հրապարակել է «Փաշինյանն ընդդեմ Հայաստանի» գործով վճիռը

Մարդու իրավունքների եվրոպական դատարանը (ՄԻԵԴ) հրապարակել է «Փաշինյանն ընդդեմ Հայաստանի» գործով վճիռը, որն առնչվում է 2008 թվականի փետրվարի 19-ի նախագահական ընտրություններին հաջորդած բողոքի շարժմանը մասնակցելու համար դիմումատուին դատապարտելուն:

Հիշեցնենք՝ 2008 թվականի ընտրություններում նախագահի թեկնածու Լևոն Տեր-Պետրոսյանի աջակից Նիկոլ Փաշինյանը բողոքի ցույցերի ֆոնին անազատության մեջ է պահվել 2009-ի հոկտեմբերից մինչև 2010-ի հունվարը։

ՄԻԵԴ-ը վճռել է, որ խախտվել է Փաշինյանի ազատության և անձնական անձեռնմխելիության, հավաքների ազատության իրավունքը։

Մասնավորապես, արձանագրվել է Մարդու իրավունքների եվրոպական կոնվենցիայի հետևյալ խախտումները.

-11-րդ հոդվածի խախտում՝ Հավաքների և միավորման ազատություն (Հոդված 11-1. Խաղաղ հավաքների ազատություն),

-5-րդ հոդվածի խախտում՝ ազատության և անձնական անձեռնմխելիության իրավունք իրավունք (հոդված 5-1՝ օրինական ձերբակալություն կամ կալանավորում)։

Նշենք՝ Հայաստանի գործող վարչապետ, այն ժամանակ ընդդիմադիր գործիչ Փաշինյանը դրամական փոխհատուցման պահանջ պետությանը չի ներկայացրել:

Лента

Рекомендуем посмотреть