Ներկայանալով որպես հայուհի՝ արցախցուն ուղարկել է իր մերկ նկարները, պահանջել տարբեր տեղանքների լուսանկարներ. Արցախի ԱԱԾ-ն՝ Ադրբեջանի հատուկ ծառայությունների քայլերի մասին - RadioVan.fm

Онлайн

Ներկայանալով որպես հայուհի՝ արցախցուն ուղարկել է իր մերկ նկարները, պահանջել տարբեր տեղանքների լուսանկարներ. Արցախի ԱԱԾ-ն՝ Ադրբեջանի հատուկ ծառայությունների քայլերի մասին

2022-01-18 16:33 , Право, 485

Ներկայանալով որպես հայուհի՝ արցախցուն ուղարկել է իր մերկ նկարները, պահանջել տարբեր տեղանքների լուսանկարներ. Արցախի ԱԱԾ-ն՝ Ադրբեջանի հատուկ ծառայությունների քայլերի մասին

Արցախի Հանրապետության ազգային անվտանգության ծառայությունը (ԱՀ ԱԱԾ) բացահայտել է Ադրբեջանի հատուկ ծառայությունների կողմից Արցախի բնակչին լրտեսության դրդելու հերթական դեպքը:

Գերատեսչությունից մանրամասնում են, որ վերջին օրերին Ադրբեջանի հատուկ ծառայությունները սոցիալական ցանցերում ակտիվացրել են Արցախում բնակվող անձանց հետ կապ հաստատելու փորձերը՝ նրանց շրջանում խուճապ տարածելու և կամ վերջիններից տեղեկություններ հավաքագրելու նպատակով:

«Հերթական դեպքում կեղծանվան տակ գրանցված թելեգրամյան օգտատերը, ներկայանալով որպես հայուհի, Արցախում բնակվող անձի հետ սկզբում վարել է մտերմություն ձևավորելու նպատակ հետապնդող խոսակցություն, նրան ուղարկել իր մերկ վիճակում նկարները, պահանջել նույնպիսի նկարներ, որից հետո իրենց մեջ վարված հաղորդակցության բովանդակությունը հրապարակելու սպառնալիքի տակ պահանջել տրամադրել տեղեկություններ, տարբեր տեղանքների լուսանկարներ, խոստանալով նաև վճարել մատուցած ծառայությունների դիմաց՝ նախապես ուղարկված բանկային հաշվին գումար փոխանցելու եղանակով:

ԱՀ ազգային անվտանգության ծառայությունը ստուգում է վերը նկարագրված դեպքի հանգամանքները, Ադրբեջանի հատուկ ծառայություններին տրամադրված տեղեկությունների բովանդակությունը, ծավալը, ինչպես նաև արարքի կատարման շարժառիթներն ու նպատակները:

Միաժամանակ կրկին հորդորում ենք սոցիալական ցանցերում զերծ մնալ անծանոթ օգտատերերի հետ շփումներից ու կասկածելի առաջարկներ ընդունելուց, Արցախի Հանրապետության անվտանգությանը սպառնացող տեղեկություններ տրամադրելուց, իսկ նման պահանջներ կամ առաջարկներ ներկայացվելու դեպքերի մասին անհապաղ հաղորդել ԱՀ ազգային անվտանգության ծառայությանը»,-ասված է ԱԱԾ տարածած հաղորդագրությունում:

Лента

Рекомендуем посмотреть