Կայացել է Փաշինյան-Պուտին հեռախոսազրույց, քննարկվել է Ղարաբաղի հարցով եռակողմ հայտարարությունների կատարման ընթացքը

Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ։

Վարչապետի աշխատակազմի լրատվության վարչության հաղորդմամբ՝ զրուցակիցները քննարկել են Լեռնային Ղարաբաղի (ԼՂ) շուրջ ընթացիկ իրավիճակը և 2020 թվականի նոյեմբերի 9-ի, 2021 թվականի հունվարի 11-ի և 2021 թվականի նոյեմբերի 26-ի եռակողմ հայտարարություններով ձեռք բերված պայմանավորվածությունների կատարմանը վերաբերող հարցեր։

Անդրադարձ է կատարվել Ղազախստանում ՀԱՊԿ խաղաղապահ առաքելության գործունեությանը։

Պայմանավորվածություն է ձեռք բերվել շարունակել շփումները տարբեր մակարդակներում։

Հեռախոսազրույցի մասին հրապարակվել է նաև Կրեմլի կայքում: