Եվրամիությունը Հայաստանին ու Ադրբեջանին դեէսկալացիայի կոչ է անում

Հարավային Կովկասի ու Վրաստանի ճգնաժամի հարցերով Եվրամիության (ԵՄ) հատուկ ներկայացուցիչ Տոյվո Կլաարն անդրադարձել է նախօրեին Ադրբեջանի զինված ուժերի իրականացրած հերթական սադրանքին, որի հետևանքով զոհվել է երեք հայ զինծառայող։

«Խորապես անհանգստացած եմ Հայաստանի ու Ադրբեջանի սահմանին նոր միջադեպերի ու զոհերի մասին հաղորդումներից։ Կարևոր է, որ կողմերը թուլացնեն լարվածությունն ու ամբողջովին օգտագործեն առկա մեխանիզմները, մասնավորապես, 2021թ-ի նոյեմբերի ԵՄ հովանու ներքո պաշտպանության նախարարությունների միջև ստեղծված թեժ գիծը։ ԵՄ-ն պատրաստ է աշխատել երկու կողմերի հետ ուժերի հեռացման գործում և վերահաստատում է պատրաստակամությունը՝ լրացուցիչ աջակցություն ցուցաբերել Հայաստանին ու Ադրբեջանին սահմանի դելիմիտացիայի ու դեմարկացիայի հարցում»,-թվիթերյան գրառումներում նշել է Կլաարը։

Deeply worried by reports of renewed incidents and casualtieson the border. Important for the sides to de-escalate and make full use of available mechanisms, in particular the hotline between MoDs established under EU auspices in November 2021.
— Toivo Klaar (@ToivoKlaar) January 12, 2022

ready to work with sides for a distancing of forces and reiterate our readiness to provide additional support in working with and on border delimitation and demarcation.
— Toivo Klaar (@ToivoKlaar) January 12, 2022