Онлайн
Թուրքիայի և Ադրբեջանի համապատասխան գերատեսչություններն առաջիկա օրերին կստորագրեն փոխըմբռնման հուշագիր։
Ադրբեջանական լրատվամիջոցների փոխանցմամբ՝ հուշագիրը կներառի հանքարդյունաբերության, ստորգետնյա ռեսուրսների հետախուզման ու գնահատման, այդ ոլորտներում տեղեկատվության և փորձի փոխանակման ուղղությունները:
«AzerGold» ՓԲԸ-ի խորհրդի նախագահ Զաքիր Իբրահիմովը, այսօր Բաքվում կայացած «Առկա խնդիրները, ընթացիկ բարեփոխումները և հանքարդյունաբերության ոլորտի զարգացման հեռանկարները» թեմայով միջոցառման ժամանակ, վստահություն է հայտնել, որ այդ համագործակցությունը երկու երկրներում հանքարդյունաբերության զարգացման գործում կարևոր ներդրում կունենա։
Իբրահիմովը միաժամանակ ընդգծել է Ղարաբաղի և «Արևելյան Զանգեզուր»-ի կարևորությունն Ադրբեջանում հանքարդյունաբերության և մետալուրգիայի հետագա զարգացման գործում։
