Տարակարգ ստանալու համար ուսուցիչները պետք է դիմեն մինչև դեկտեմբերի 15-ը - RadioVan.fm

Онлайн

Տարակարգ ստանալու համար ուսուցիչները պետք է դիմեն մինչև դեկտեմբերի 15-ը

2021-12-10 15:45 , Образование, 236

Տարակարգ ստանալու համար ուսուցիչները պետք է դիմեն մինչև դեկտեմբերի 15-ը

ՀՀ կրթության, գիտության, մշակույթի և սպորտի նախարարությունը (ԿԳՄՍՆ) տեղեկացնում է, որ հանրակրթական ուսումնական հաստատության ուսուցչի որակավորման տարակարգ ստանալու համար ուսուցիչները կարող են դիմում ներկայացնել մինչև սույն թվականի դեկտեմբերի 15-ը։

Նշվում է, որ 2021 թվականին իրականացված ուսուցիչների վերապատրաստման գործընթացի ավարտից հետո ՀՀ ԿԳՄՍ նախարարի հրամաններով ձևավորվել են ատեստավորման հանձնաժողովներ՝ ուսուցիչների ատեստավորման գործընթացը սույն թվականի դեկտեմբերի 10-ից 27-ն իրականացնելու նպատակով։

2021 թվականին վերապատրաստված ուսուցիչները տարակարգ ստանալու համար կարող են դիմել ուսուցիչների ատեստավորման ավարտից հետո՝ հանրակրթական ուսումնական հաստատության ուսուցչի որակավորման տարակարգի շնորհման համար անհրաժեշտ բոլոր փաստաթղթերի առկայության պարագայում՝ ՀՀ կրթության և գիտության նախարարի 2013 թվականի օգոստոսի 15-ի N 1031-Ն հրամանով սահմանված փաստաթղթերի ցանկին համապատասխան։

Փաստաթղթերի ընդունման գործընթացը կվերսկսվի 2022 թվականի հունվարի 16-ից։

Лента

Рекомендуем посмотреть