Մարտական պատրաստության պլանի համաձայն՝ Ադրբեջանի ռազմաօդային ուժերի «Բայրաքթար» անօդաչու թռչող սարքերը (ԱԹՍ) ուսումնավարժական թռիչքներ են իրականացրել:
Այդ մասին հաղորդում են ադրբեջանական լրատվամիջոցները՝ հղում անելով երկրի պաշտպանության նախարարությանը։
Նշվում է, որ ուսումնամարզական թռիչքների ընթացքում, զորքերի այլ ստորաբաժանումների հետ համագործակցությամբ, իրականացվել է օդային հետախուզություն, որոշվել են պայմանական հակառակորդի ցամաքային կոորդինատները և ոչնչացվել ճշգրիտ հարվածներով։
Ընդգծվում է՝ ԱԹՍ-ների օպերատորները հաջողությամբ կատարել են իրենց մարտական հմտությունները կատարելագործելու նպատակով անցկացված ուսումնական պարապմունքներում առաջադրված խնդիրները։