Онлайн
Այսօր՝ նոյեմբերի 26-ին, Ադրբեջանը Հայաստանին է փոխանցել գերեվարված երկու քաղաքացի:
Այդ մասին հայտնում է ՀՀ պաշտպանության նախարարությունը (ՊՆ):
Վերադարձված անձինք են՝ Միհրան Էռնեստի Մուսայելյանը (ծնվ. 2000թ.) և Արեն Ժիրայրի Արամյանը (ծնվ. 1993թ.):
Պաշտպանական գերատեսչությունն այլ մանրամասներ չի հաղորդում, մինչդեռ, ադրբեջանական լրատվամիջոցները, հղում անելով Ադրբեջանի՝ Գերիների և անհետ կորածների պետական հանձնաժողովի տարածած տեղեկատվությանը, մանրամասնում են, որ վերադարձված քաղաքացիներից մեկը՝ զինծառայող 28-ամյա Արին Ժիրայրի Արամյանը, գերեվարվել էր նոյեմբերի 16-ի մարտերի ժամանակ, իսկ 21-ամյա քաղաքացիական անձ Միհրան Էռնեստի Մուսայելյանը, ըստ ադրբեջանական կողմի, շեղվելով ճանապարհից՝ հայտնվել էր ադրբեջանցի զինծառայողների վերահսկողության տարածքում:
Բաքուն նշում է, որ զինծառայող Արամյանը Ադրբեջանում բուժում է ստացել՝ չհաղորդելով մանրամասներ:
Հիշեցնենք՝ Մարտունու շրջանի Աշան համայնքի բնակիչ Միհրան Մուսայելյանի՝ մոլորվելու արդյունքում ադրբեջանական կողմում հայտնվելու մասին Արցախի Ազգային անվտանգության ծառայությունը հայտնել էր նոյեմբերի 23-ին:
