Զինծառայող Ավետիսյանը գլխի շրջանում մահացու հրազենային վնասվածքը ստացել է ծառայակցի կողմից զենքի վարման կանոնները խախտելու հետևանքով․ վերջինս ձերբակալվել է - RadioVan.fm

Онлайн

Զինծառայող Ավետիսյանը գլխի շրջանում մահացու հրազենային վնասվածքը ստացել է ծառայակցի կողմից զենքի վարման կանոնները խախտելու հետևանքով․ վերջինս ձերբակալվել է

2021-11-25 16:49 , Право, 127

Զինծառայող Ավետիսյանը գլխի շրջանում մահացու հրազենային վնասվածքը ստացել է ծառայակցի կողմից զենքի վարման կանոնները խախտելու հետևանքով․ վերջինս ձերբակալվել է

Զինծառայող Սուրեն Ավետիսյանի մահվան դեպքի առթիվ քննվող քրեական գործով ձերբակալվել է ծառայակիցը։

Այդ մասին հայտնում է ՀՀ քննչական կոմիտեն (ՔԿ)։

«ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում ՀՀ քրեական օրենսգրքի 373-րդ հոդվածի 3-րդ մասով հարուցված քրեական գործով ձեռնարկված անհետաձգելի քննչական գործողությունների արդյունքում պարզվել են ժամկետային զինծառայող, շարքային Սուրեն Ռոմանի Ավետիսյանի մահվան դեպքի՝ էական նշանակություն ունեցող մի շարք հանգամանքներ, այդ թվում՝ ենթադրյալ հանցագործություն կատարած անձի իքնությունը։

Նախնական տվյալներով զինծառայողը գլխի շրջանում մահացու հրազենային վնասվածքն ստացել է ծառայակցի կողմից զենքի հետ վարվելու կանոնները խախտելու հետևանքով: Վերջինս ձերբակալվել է:

Հիշեցնենք, որ Սուրեն Ավետիսյանը կյանքի հետ անհամատեղելի մարմնական վնասվածքն ստացել էր 2021թ. նոյեմբերի 24-ին` ժամը 14:50-ի սահմաններում, ՀՀ ՊՆN զորամասի պահպանության տեղամասում գտնվող մարտական դիրքում, և մահացել հիվանդանոց տեղափոխվելու ճանապարհին:

Նախաքննությունը շարունակվում է»,-ասված է ՔԿ տարածած հաղորդագրությունում:

Лента

Рекомендуем посмотреть