Սահմանի արևելյան ուղղությամբ իրադրությունը լարված է մնում, հակառակորդը կիրառում է հրետանային միջոցներ, զրահատեխնիկա․ ՀՀ ՊՆ

14։00-ի դրությամբ իրադրությունը հայ-ադրբեջանական սահմանի արևելյան ուղղությամբ շարունակում է լարված մնալ։

Այդ մասին հայտնում է ՀՀ պաշտպանության նախարարությունը (ՊՆ), որն այսօր ավելի վաղ հայտնել էր, որ ժամը 13։00-ի սահմաններում ադրբեջանական զինված ուժերի (ԶՈւ) ստորաբաժանումները հերթական անգամ սադրանքի էին դիմել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։

Նշվում է, որ հակառակորդը կիրառում է հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմը դիմել է համարժեք գործողությունների։ Ինտենսիվ փոխհրաձգության արդյունքում հակառակորդն ունի զրահատեխնիկայի կորուստ։