ՊՇՌ թեստերի պայմանագրերի առնչությամբ «Արմենիա միջազգային օդանավակայաններ»-ի նկատմամբ վարույթ է հարուցվել

Մրցակցության պաշտպանության հանձնաժողովը (ՄՊՀ) վարույթ է հարուցել «Արմենիա միջազգային օդանավակայաններ» փակ բաժնետիրական ընկերության նկատմամբ՝ գերիշխող դիրքի հնարավոր չարաշահման հատկանիշներով:

«ՄՊՀ-ը պարզել է, որ «Արմենիա միջազգային օդանավակայաններ» ընկերության և COVID-19-ի ախտորոշման նպատակով իրականացվող լաբորատոր հետազոտություններ (ՊՇՌ թեստեր) իրականացնող տնտեսվարող սուբյեկտների միջև կնքված թույլտվության պայմանագրերով սահմանվել են մատուցվելիք ծառայությունների գները կամ այդ գները և դրանց փոփոխությունները ընկերության կողմից հաստատելու պահանջ, ինչպես նաև ծառայության արժեքից յուրաքանչյուր իրականացված թեստի դիմաց որոշակի տոկոս կամ ֆիքսված գումար ընկերությանը վճարելու պայմաններ, որոնք հնարավոր է՝ չեն վերաբերում թույլտվության պայմանագրերի առարկային և տնտեսապես ու տեխնոլոգիապես հիմնավորված չեն»,-ասված է տարածած հաղորդագրությունում։

Որոշման մանրամասները՝ հետևյալ հղմամբ։