4 զինծառայողի վիրավորման պատճառ դարձած նռնակի պայթյունի դեպքով հարուցվել է քրեական գործ - RadioVan.fm

Онлайн

4 զինծառայողի վիրավորման պատճառ դարձած նռնակի պայթյունի դեպքով հարուցվել է քրեական գործ

2021-10-29 14:34 , Право, 507

4 զինծառայողի վիրավորման պատճառ դարձած նռնակի պայթյունի դեպքով հարուցվել է քրեական գործ

4 զինծառայողի վիրավորման պատճառ դարձած նռնակի պայթյունի դեպքով հարուցվել է քրեական գործ։

Այդ մասին տեղեկանում ենք ՀՀ քննչական կոմիտեից (ՔԿ)։

«2021թ. հոկտեմբերի 28-ին՝ ժամը 08:50-ի սահմաններում, ՀՀ ՊՆ N զորամասի պահպանության տեղամասի մարտական հենակետում գտնվող վագոն-տնակում դեռևս չպարզված հանգամանքներում, նախնական տվյալներով, նռնակի պայթուցիչիպայթյունի հետևանքով ստացած տարբեր մարմնական վնասվածքներով նույն օրը՝ ժամը 10:30-ին, զինվորական հոսպիտալ է տեղափոխվել նույն զորամասի պարտադիր ժամկետային 4 զինծառայող:

Ըստ բժշկի կողմից ներկայացված տեղեկանքի՝ զինծառայողների վիճակը գնահատվում է բավարար:

Դեպքի առթիվ ՀՀ քննչական կոմիտեի զինվորական քննչական գլխավոր վարչությունում հարուցվել է քրեական գործ՝ ՀՀ քրեական օրենսգրքի 373-րդ հոդվածի 1-ին մասով:

Կատարվում է նախաքննություն»,-ասված է ՔԿ-ի տարածած հաղորդագրությունում:

Նշենք՝ զինամթերքի հետ անզգույշ վարվելու հետևանքով մարտական հենակետում 4 զինվորի վիրավորման մասին հայտնել էր ՀՀ պաշտպանության նախարարությունը։

Лента

Рекомендуем посмотреть