Թաթոյանը հրապարակել է Գեղարքունիքի գյուղերի հարևանությամբ Ադրբեջանի անօրինական ամրացման աշխատանքների մասին փաստող վերլուծություն - RadioVan.fm

Онлайн

Թաթոյանը հրապարակել է Գեղարքունիքի գյուղերի հարևանությամբ Ադրբեջանի անօրինական ամրացման աշխատանքների մասին փաստող վերլուծություն

2021-10-28 14:48 , Право, 406

Թաթոյանը հրապարակել է Գեղարքունիքի գյուղերի հարևանությամբ Ադրբեջանի անօրինական ամրացման աշխատանքների մասին փաստող վերլուծություն

ՀՀ մարդու իրավունքների պաշտպան Արման Թաթոյանը հրապարակել է Գեղարքունիքի մարզի գյուղերի անմիջական հարևանությամբ ադրբեջանական զինված ուժերի անօրինական (unlawful) տեղակայումներից և անօրինական (unlawful) ամրացման աշխատանքներից մեկի վերաբերյալ վերլուծություն՝ փաստերով։

«Նրանց հանցավոր արարքների ու ներկայության պատճառով ՀՀ գործարար ընկերությունը չի կարողանում օգտվել ՀՀ կառավարության որոշմամբ ու Կադաստրի կոմիտեի սեփականության վկայականով իրեն օրինական հատացված 200 հա տարածքից, որից 75-ի վրա կառուցել է երկու հողմակներ, ապօրինաբար (unlawfully) զրկվել է գործարարությամբ զբաղվելու իրավունքից, իսկ կրած վնասը, իր հաշվարկով, 5 միլիոն դոլար է:

Ավելին, ադրբեջանական անօրինական տեղակայումների պատճառով քաղաքացիական բնակչությունը հայտնվել է ադրբեջանական զինված ծառայողների թիրախում. վտանգված, պարբերական գնդակոծություններով խաթարված է մարդկանց խաղաղ կյանքն ու անվտանգությունը, ոտնահարված է կյանքի իրավունքը, մարդիկ զրկված են սեփականության իրավունքից ու գյուղատնտեսությամբ ընտանիքի եկամուտը վաստակելու հնարավորությունից:

Այս փաստերը կուղարկվեն միջազգային համապատասխան մարմիններին, ինչպես նաև ՀՀ պետական մարմիններին ու ՀԿ-ներին՝ իրենց աշխատանքում օգտագործելու նպատակով»,-իր ֆեյսբուքյան էջում գրել է Արման Թաթոյանը։

Лента

Рекомендуем посмотреть