Շուշիում բանակցություններից հետո հայկական կողմին է փոխանցվել ևս մեկ աճյուն

Շուշիում երեկ տեղի ունեցած բանակցությունների արդյունքում՝ Ադրբեջանը հայկական կողմին է փոխանցել ևս մեկ աճյուն։

Այդ մասին հայտնում են Արցախի Հանրապետության ներքին գործերի նախարարության արտակարգ իրավիճակների պետական ծառայությունից (ԱԻՊԾ)՝ նշելով, որ նրա ինքնությունը կհաստատվի դատաբժշկական փորձաքննությունից հետո։

2020 թվականի նոյեմբերի 13-ից առ այսօր, որոնողական աշխատանքների և դիերի փոխանակման արդյունքում` հաստատվել է ընդհանուր 1686 աճյուն, որոնց թվում նաև քաղաքացիական անձինք են։