ՀՀ զինված ուժերի ծառայողները մասնակցում են ՀԱՊԿ զորավարժություններին

Այսօր՝ հոկտեմբերի 18-ին, Տաջիկստանի Հանրապետության զորավարժարաններից մեկում մեկնարկել են Հավաքական անվտանգության պայմանագրի կազմակերպության (ՀԱՊԿ) արագ արձագանքման ուժերի «Որոնում-2021», «Շարասյուն-2021» և «Փոխգործակցություն-2021» զորավարժությունները։

ՀՀ պաշտպանության նախարարությունից (ՊՆ) նշում են, որ զորավարժություններին մասնակցող հայկական զորախմբի սպաները, ընդհանուր զորախմբի հրամանատարական կազմում, պլանավորելու և ղեկավարելու են ստորաբաժանումների գործողությունները։

Հաղորդվում է, որ հոկտեմբերի 18-23-ն անցկացվող զորավարժություններին ներգրավված է շուրջ 500 միավոր զինտեխնիկա, ավելի քան 4000 զինծառայող։