«Ձեզնով է պետության հիմքն ամուր»․ Ուսուցչի օրվա առթիվ ուղերձ, մեդալներ ու պատվոգրեր

Սովորողների կրթության ու դաստիարակության գործում և մանկավարժության բնագավառում ունեցած բազմամյա ու նշանակալի ավանդի համար Ուսուցչի օրվա կապակցությամբ մի խումբ մանկավարժներ ՀՀ կրթության, գիտության, մշակույթի և սպորտի (ԿԳՄՍ) նախարար Վահրամ Դումանյանի հրամանով պարգևատրվել են նախարարության պարգևներով:

Մեդալով պարգևատրվել են.

1. Անահիտ Արտուշի Մկրտչյան - Երևանի Շևչենկոյի անվան թիվ 42 ավագ դպրոցի հայոց լեզվի ուսուցիչ

2. Խաչատուր Հրաչի Խաչատրյան - Երևանի Համո Սահյանի անվան թիվ 70 հիմնական դպրոցի ՆԶՊ-ի ուսուցիչ

3. Նիկոլայ Ավետիսի Ավանեսյան - Երևանի թիվ 108 միջնակարգ դպրոցի ՆԶՊ-ի ուսուցիչ

4. Ռիտա Ասլանի Պետրոսյան - Գեղարքունիքի մարզի Սոթքի միջնակարգ դպրոցի դասվար

5. Ռիտա Վաղինակի Բարսեղյան - Գեղարքունիքի մարզի Կութի միջնակարգ դպրոցի ուսուցիչ

6. Սուրեն Ալեքսանդրի Կարապետյան - Կոտայքի մարզի Աբովյանի թիվ 2 հիմնական դպրոցի ՆԶՊ-ի ուսուցիչ

7. Անահիտ Աշոտի Իշխանյան - Սյունիքի մարզի Խնձորեսկի միջնակարգ դպրոցի ֆիզիկայի ուսուցիչ

8. Ռուզաննա Ժորայի Հովակիմյան - Սյունիքի մարզի Գորայքի միջնակարգ դպրոցի մաթեմատիկայի ուսուցիչ

Պատվոգրով պարգևատրվել են.

1. Տաթևիկ Սերյոժայի Աբրահամյան - Խ. Աբովյանի անվան ՀՊՄՀ-ի թիվ 57 հիմն. դպրոցի դասվար

2. Ելիզավետա Գրիգորի Օհանջանյան - Արարատի մարզի Մասիս քաղաքի Վ. Բաբայանի անվան թիվ 2 հիմն. դպրոցի դասվար

3. Մարգարիտ Վարդկեսի Ներսիսյան Արարատի մարզի Շահումյանի Արտակ Համբարձումյանի անվան միջն. դպրոցի մաթեմատիկայի ուսուցիչ

4. Անի Հարությունի Մկրտչյան - Արմավիրի մարզի Վաղարշապատի Խ. Աբովյանի անվան թիվ 4 հիմն. դպրոցի կենսաբանության ուսուցիչ

5. Նունուֆար Ծերունի Առաքելյան - Արագածոտնի մարզի Արագածի թիվ 2 միջն. դպրոցի ֆրանսերենի ուսուցիչ

6. Անահիտ Ռոմիկի Ալավերդյան - Կոտայքի մարզի Հրազդանի Ա. Իսահակյանի անվան թիվ 9 հիմն. դպրոցի անգլերենի ուսուցիչ

7. Գայանե Կառլենի Սարգսյան - Սյունիքի մարզի Ագարակի միջն. դպրոցի անգլերենի ուսուցիչ

8. Սուսաննա Գևորգի Սիմոնյան - Շիրակի մարզի Գյումրու թիվ 7 հիմն. դպրոցի ֆիզիկայի ուսուցիչ

9. Անահիտ Ավետիքի Կարապետյան - Շիրակի մարզի Ջրափիի միջն. դպրոցի կենսաբանության ուսուցիչ

10. Մարիամ Հայկի Ղազարյան - Վայոց ձորի մարզի Արփիի միջն. դպրոցի գերմաներենի ուսուցիչ

11. Մարգարիտ Ալեքսանի Կարապետյան - Վայոց ձորի մարզի Մալիշկայի թիվ 1 միջն. դպրոցի դասվար

12. Ռուբիկ Աշոտի Մարտիրոսյան - Տավուշի մարզի Արճիսի միջն. դպրոցի հայոց եկեղեցու պատմության ուսուցիչ, Պտղավանի միջն. դպրոցի աշխարհագրության և հայոց եկեղեցու պատմ. ուսուցիչ

13. Արև Բենիկի Չոբանյան - Տավուշի մարզ Այգեհովիտի միջն. դպրոցի հայոց լեզվի և գրականության ուսուցիչ

14. Սիրուն Ժորիկի Հովհաննիսյան - Լոռու մարզի Տաշիրի թիվ 1 հիմն. դպրոցի մաթեմատիկայի ուսուցիչ

15. Անահիտ Վահանի Աբրահամյան - Լոռու մարզի Վանաձորի Հ. Թումանյանի անվան թիվ 3 հիմն. դպրոցի հայոց լեզվի և գրականության ուսուցիչ։

Հիշեցնենք՝ «Հայաստանի Հանրապետության տոների և հիշատակի օրերի մասին» ՀՀ օրենքով հոկտեմբերի 5-ը նշվում է որպես «Ուսուցչի օր»:

Տոնի առիթով շնորհավորական ուղերձ է հղել ԿԳՄՍ նախարար Վահրամ Դումանյանը։

Ուղերձում ասված է․

«Սիրելի՛ ուսուցիչներ,

Ջերմորեն և երախտագիտությամբ շնորհավորում եմ ձեզ Ուսուցչի տոնի կապակցությամբ: Այս տոնը կոչված է առանձնակի կարևորելու և ընդգծելու ձեր վճռորոշ դերն ու պատասխանատվությունը թե՛ յուրաքանչյուր աշակերտի՝ որպես բազմակողմանի զարգացած, հայրենանվեր անհատ, թե՛ բարձրարժեք հատկանիշներով օժտված հասարակություն ձևավորելու գործում:

Ուսուցչի օրը չի սահմանափակվում այս տոնով. այն սկսվում է յուրաքանչյուր առավոտ՝ դասասենյակից և աշակերտական նստարանից: Ձեր գործը վարձահատույց է լինում ապագայով, կայուն ու անվտանգ պետության տեսլականի իրագործմամբ, հայրենիքի բարօրությամբ:

Շնորհակալ ու երախտապարտ եմ ձեզ ձեր բարդ ու միաժամանակ պատվաբեր աշխատանքի համար: Ձեզնով է պետության հիմքն ամուր, ձեզնով է վաղվա օրը որոշիչ: Ձեր դաստիարակած սերունդն էր, որ 44 օր շարունակ չերկնչեց ու անձնազոհաբար պաշտպանեց հող հայրենին՝ վառ պահելով հայրենասիրական ոգին:

Սիրելի՛ մանկավարժներ, ուզում եմ՝ վստահ լինեք, որ պետությունը ձեր կողքին է, ձեր աջակիցն է, և ընթացիկ բարեփոխումները միտված են բարելավելու ձեր աշխատանքային գործունեությունն ու միջավայրը՝ ձեզ արժանի գնահատանքով:

Յուրաքանչյուրիդ մաղթում եմ բարօրություն, քաջառողջություն, աշխատանքում՝ ինքնաբավություն, կրկնակի ուժ ու եռանդ: Մեր անելիքը շատ է, կամքը՝ ամրակուռ:

Աստված պահապան բոլորիս…»։