Աշխատանք փնտրողներն այսուհետ կարող են առցանց եղանակով հաշվառվել տարածքային կենտրոններում

Աշխատանք փնտրող անձանց կողմից Միասնական սոցիալական ծառայության տարածքային կենտրոնում առցանց հաշվառվելու հնարավորություն ստեղծելու անհրաժեշտությամբ պայմանավորված՝ գործադիրն այսօրվա նիստում ընդունել է համապատասխան որոշում:

Հիմնավորման համաձայն՝ զբաղվածության տարածքային կենտրոնում սահմանված կարգով հաշվառվելու համար աշխատանք փնտրող անձը ներկայացնում է մի շարք փաստաթղթերի բնօրինակները: Որոշմամբ առաջարկվում է նախատեսել այնպիսի կարգավորումներ, որոնք հնարավորություն կտան աշխատանք փնտրող անձանց նաև առցանց եղանակով հաշվառվելու Միասնական սոցիալական ծառայության տարածքային կենտրոններում՝ ներկայացնելով հաշվառման համար անհրաժեշտ փաստաթղթերի էլեկտրոնային պատկերատպված (սքանավորված) տարբերակները՝ Միասնական սոցիալական ծառայության պաշտոնական կայքէջի ( https://socservice.am ) կամ էլեկտրոնային հարցումների միասնական հարթակի ( https://e-request.am ) միջոցով: