Պաշտոնյաները «Եռաբլուր»-ում հարգանքի տուրք են մատուցել, լրագրողներին չեն թույլատրել հարցել ուղղել նրանց

Հայաստանի Հանրապետության Անկախության տոնի առթիվ Հայաստանի և Արցախի պետական այրերն այսօր առավոտյան այցելել են «Եռաբլուր» զինվորական պանթեոն՝ հարգանքի տուրք մատուցել իրենց կյանքը Հայրենիքի անկախության համար զոհաբերած ու Հայրենիքի պաշտպանության համար նահատակված հերոսների հիշատակին:

Լրագրողների հետ զրուցել, նրանց հարցերին պատասխանել պաշտոնյաները չեն ցանկացել, մամուլի աշխատանքն ի սկզբանե սահմանափակվել է․ անվտանգության աշխատակիցները լրատվամիջոցների ներկայացուցիչներին թույլ չեն տվել դուրս գալ կարմիր ժապավենով առանձնացված հատուկ տարածքից։