Онлайн
Ադրբեջանի պաշտպանության նախարարությունը (ՊՆ) նամակներ է հասցեագրել Ռուսաստանի պաշտպանության նախարարությանը և Արցախում ռուս խաղաղապահ զորախմբի հրամանատարությանը՝ «այլ երկրների մեքենաների անօրինական մուտքը Ղարաբաղ կանխելու խնդրանքով»:
Թուրքիայի պետական «Անադոլու» գործակալության փոխանցմամբ՝ նամակում Ադրբեջանի պաշտպանության նախարարությունը շեշտում է, որ այլ երկրների ավտոմեքենաների մուտքն այդ տարածքներ, որտեղ ժամանակավորապես տեղակայված է խաղաղապահ զորախումբը, հակասում է Ադրբեջանի և Ռուսաստանի նախագահների և Հայաստանի վարչապետի՝ 2020 թվականի նոյեմբերի 10-ին ստորագրած հայտարարությանը։
Միաժամանակ ընդգծվում է, որ այլ երկրների իրավաբանական և ֆիզիկական անձինք և նրանց փոխադրամիջոցները չեն կարող մուտք գործել Ադրբեջանի տարածք առանց Բաքվի համաձայնության, քանի որ նման դեպքերը խախտում են երկրի օրենքները:
