Հակառակորդն այսօր Երասխի հատվածում կրակ է բացել, մահացու հրազենային վիրավորում է ստացել կրտսեր սերժանտ Գեղամ Սահակյանը

Այսօր՝ սեպտեմբերի 1-ին, ժամը 11։10-ի սահմաններում, ադրբեջանական զինված ուժերի (ԶՈւ) ստորաբաժանումները հերթական անգամ սադրանքի են դիմել, հրաձգային զինատեսակներից և դիպուկահար հրացաններից կրակ բացելով հայ-ադրբեջանական սահմանի Արարատի մարզի, մասնավորապես՝ Երասխի հատվածում տեղակայված հայկական դիրքերի ուղղությամբ, ինչի հետևանքով մահացու հրազենային վիրավորում է ստացել ՀՀ ՊՆ N զորամասի պայմանագրային զինծառայող, 1982 թ. ծնված, կրտսեր սերժանտ Գեղամ Լյովայի Սահակյանը։

Այդ մասին հայտնում է ՀՀ պաշտպանության նախարարությունը (ՊՆ)՝ խստիվ դատապարտելով ադրբեջանական կողմի գործողությունները։

ՀՀ պաշտպանական գերատեսչությունը նախազգուշացնում է՝ դրանք անպատասխան չեն մնա, իրադրության սրման ամբողջ պատասխանատվությունն ընկնում է Ադրբեջանի ռազմաքաղաքական ղեկավարության վրա։