Онлайн
Զինծառայողների ֆունկցիոնալ պարտականություններն ու մասնագիտական գիտելիքները կատարելագործելու նպատակով օգոստոսի 17-ին 5-րդ զորամիավորումում հայտարարվել է ուսումնական տագնապ։
Այդ մասին այսօր տարածած հաղորդագրությամբ տեղեկացնում է ՀՀ պաշտպանության նախարարությունը (ՊՆ)։
«Զորամիավորումը բերվել է մարտական պատրաստականության բարձր աստիճանի, ծավալվել են կառավարման կետեր, բացազատվել կապի շարժական հանգույցներ, ռազմական տեխնիկան բերվել է մարտական վիճակի: Անձնակազմը սահմանված ժամկետում հանդերձավորվել է,ստացել զենք-զինամթերք և դուրս բերվել նախորոշված շրջաններ»,-ասված է ՊՆ տարածած հաղորդագրությունում։
