Արագածի գագաթ բարձրանալիս 11 հոգանոց խումբը մոլորվել է․ փրկարարները հայտնաբերել են

Այսօր վաղ առավոտյան Արագած լեռան գագաթ բարձրանալիս մոլորված քաղաքացիները հայտնաբերվել են ու տեղափոխվել անվտանգ տարածք։

Արտակարգ իրավիճակների նախարարությունից (ԱԻՆ) հայտնում են, որ ժամը 05:38-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Քարի լճից դեպի Արագած լեռան գագաթ բարձրանալիս քաղաքացիներից մեկի ինքնազգացողությունը վատացել է․ անհրաժեշտ է փրկարարների օգնությունը։

Դեպքի վայր մեկնած ԱԻՆ ՓԾ մարզային փրկարարական վարչության օպերատիվ խումբը, սակայն պարզել է, որ քաղաքացիները մոլորվել են և չեն կարողանում ինքնուրույն իջնել։

Ժամը 08։50-ին փրկարարները 11 հոգանոց խմբին հայտնաբերել են Քարի լճից մոտ 6 կմ դեպի հարավային գագաթն ընկած հատվածում և ուղեկցել են անվտանգ տարածք։