Ընտրությունների արդյունքների վիճարկման հարցով ՍԴ են դիմել նաև «Զարթոնք»-ը և «Հայոց հայրենիք»-ը - RadioVan.fm

Онлайн

Ընտրությունների արդյունքների վիճարկման հարցով ՍԴ են դիմել նաև «Զարթոնք»-ը և «Հայոց հայրենիք»-ը

2021-07-02 16:39 , Право, 968

Ընտրությունների արդյունքների վիճարկման հարցով ՍԴ են դիմել նաև «Զարթոնք»-ը և «Հայոց հայրենիք»-ը

2021 թվականի հուլիսի 2-ին Սահմանադրական դատարանում (ՍԴ) գրանցվել է Ազգային ժողովի (ԱԺ) արտահերթ ընտրություններին մասնակցած «Զարթոնք» կուսակցության դիմումը՝ Ազգային ժողովի ընտրությունների արդյունքներով ընդունված ՀՀ կենտրոնական ընտրական հանձնաժողովի 27․06․2021թ․ N 183-Ն և 184 - Ա որոշումները և ընտրությունների արդյունքները անվավեր ճանաչելու պահանջով։

Այս մասին հայտնում է Սահմանադրական դատարանի մամուլի քարտուղար Եվա Թովմասյանը:

«Զարթոնք» ազգային քրիստոնեական կուսակցությունը՝ ի դեմ Արա Զոհրաբյանի, նույնպես հայտնում է այսօր ՍԴ դիմելու մասին.

««Զարթոնք» ազգային քրիստոնեական կուսակցությունն այսօր՝ 02.07.2021թ. ժամը 15:20-ին Սահմանադրական դատարանին հանձնեց ընտրության արդյունքները վիճարկելու վերաբերյալ դիմումը:

Դիմումի համաձայն խախտվել են ՀՀ Սահմանադրությամբ ամրագրված ընտրական իրավունքի հիմնական սկզբունքները՝ ազատությունը և հավասարությունը:

Ատելության խոսք, բռնության կոչեր, վարչական ռեսուրսի կիրառում և այլ խախտումներ, որոնք ազդել են ընտրության արդյունքների վրա:

ՍԴ-ին 5 միջնորդություն է ներկայացվել պետական մարմիններից որոշակի տեղեկություններ պահանջելու կապակցությամբ՝

1) ԱԱԾ-ին՝ ներկայացնել այն քաղաքացիների քանակը, որոնք ընտրության օրը ստորագրել են ցուցակներում, սակայն ըստ ԱԱԾ տվյալների փաստացի Հայաստանի Հանրապետությունում չեն գտնվել.

2) ՀՀ ՊԵԿ-ին և ՀՀ վարչապետի աշխատակազմին՝ ներկայացնել հանրային ծառայության մեջ գտնվող անձանց ընդհանուր քանակը.

3) ՀՀ ՊՆ-ին՝ ներկայացնել տեղեկություն, թե որքան զինծառայող է մասնակցել 2021թ. հունիսի 20-ի ընտրություններին.

4) Տարածքային կառավարման և ենթակառուցվածքների նախարարությանը՝ ներկայացնել տեղեկություն, թե 2021թ. հունիսի 20-ին որ ընտրական տեղամասերն են հոսանքազրկվել, որքան ժամանակով և ինչ պատճառներով.

5) Գլխավոր դատախազությանը՝ ներկայացնել տեղեկություն, թե 2021թ. մայիսի 25-ից առ 22.06.2021 թվականը ընտրական բնույթի հանցագործությունների վերաբերյալ քանի հաղորդում է ստացվել իրավապահ մարմինների կողմից, ինչպես նաև այդ հաղորդումներից յուրաքանչյուրի բովանդակությանը համարժեք ինչ միջոցներ են ձեռնարկվել, քանի քրեական գործ է հարուցվել, որ հոդվածի հատկանիշներով»:

Սահմանադրական դատարանի մամուլի քարտուղար Եվա Թովմասյանը հայտնում է, որ 2021 թվականի հուլիսի 2-ին Սահմանադրական դատարանում գրանցվել է նաև ԱԺ արտահերթ ընտրություններին մասնակցած «Հայոց հայրենիք» կուսակցության դիմումը՝ 2021 թվականի հունիսի 20-ին տեղի ունեցած արտահերթ խորհրդարանական ընտրությունների արդյունքները անվավեր ճանաչելու պահանջով։

16։15 - ի դրությամբ ընտրությունների արդյունքների հետ կապված այլ դիմումներ չեն ներկայացվել։

Նշենք՝ այսօր ավելի վաղ Սահմանադրական դատարանը գրանցել է նաև ԱԺ արտահերթ ընտրություններին մասնակցած «Հայաստան» դաշինքի դիմումը:

Հիշեցնենք՝ 2021 թվականի արտահերթ խորհրդարանական ընտրությունների արդյունքները վիճարկելու մասին դիմումներ Սահմանադրական դատ 18-ը։

Лента

Рекомендуем посмотреть