Վրաստանում ուժի մեջ մտավ ԵՄ-ի հետ առանց վիզայի ռեժիմը

Վրաստանի քաղաքացիներն այսօրվանից կկարողանան կենսաչափական անձնագրերով՝ առանց վիզայի, կարճաժամկետ այցեր կատարել Եվրամիության երկրներ. ուժի մեջ է մտել ԵՄ-ի հետ առանց վիզայի ռեժիմի համաձայնագիրը: Այդպիսով՝ Վրաստանի քաղաքացիները իրավունք են ստանում 180 օրվա ընթացքում 90-օրյա ժամկետում գտնվել Շենգենյան գոտում, որը ներառում է Եվրամիության 22 անդամ-երկրներ և 4 ոչ անդամ երկրներ (Իսլանդիա, Լիխտենշտեյն, Նորվեգիա և Շվեյցարիա), ինչպես նաև Շենգենի 4 թեկնածու երկրներ (Բուլղարիա, Կիպրոս, Ռումինիա և Խորվաթիա)։