Գեղաքունիքիում բնակիչներին կիրազեկեն հեպատիտների փոխանցման գործոնների՝ դաջվածքների, մատնահարդարման և ոտնահարդարման մասին - RadioVan.fm

Онлайн

Գեղաքունիքիում բնակիչներին կիրազեկեն հեպատիտների փոխանցման գործոնների՝ դաջվածքների, մատնահարդարման և ոտնահարդարման մասին

2021-06-08 15:21 , Общество, 1028

Գեղաքունիքիում բնակիչներին կիրազեկեն հեպատիտների փոխանցման գործոնների՝ դաջվածքների, մատնահարդարման և ոտնահարդարման մասին

Գեղարքունիքի մարզպետարանում հրավիրվել է ՀՀ Գեղարքունիքի մարզի վիրուսային, մասնավորապես՝ արտաընդերային ճանապարհով փոխանցվող հեպատիտների կանխարգելման մասնագիտական հանձնաժողովի հերթական նիստը, որի ընթացքում քննարկվել են Գեղարքունիքի մարզի բնակչության շրջանում արտաընդերային հեպատիտների տարածվածության մակարդակին ուղղված հարցեր:

Ի թիվս այլ հիմնավորումների, նշվել է, որ վիրուսային, արտաընդերային հեպատիտների փոխանցման ակտիվ գործոն են հանդիսանում նաև կոսմետիկ միջամտությունները, մասնավորապես՝ դաջվածքները, մատնահարդարումը և ոտնահարդարումը:

Այս և հեպատիտի առաջացմանը նպաստող այլ գործոններից զերծ մնալու նպատակով առաջարկվել է առողջության առաջնային պահպանման օղակների բուժաշխատողների միջոցով բարձրացնել բնակչության իրազեկվածության մակարդակը, իսկ կոսմետիկ միջամտությունների ընթացքում հետևել սանիտարական նորմերի պահպանմանը:

Գեղարքունիքի մարզպետարանի պաշտոնական կայքի հրապարակումից տեղեկանում ենք, որ նիստը վարել է հանձնաժողովի նախագահ, ՀՀ Գեղարքունիքի մարզպետարանի առողջապահության և սոցիալական ապահովության վարչության պետ Լուսինե Վարդանյանը՝ մասնակցությամբ հանձնաժողովի քարտուղար, մարզպետարանի ԱՍԱ վարչության պետի տեղակալ Սևակ Դվոյանի, հանձնաժողովի անդամներ՝ Գեղարքունիքի մարզի ստացիոնար և պոլիկլինիկական բժշկական ծառայությունների ղեկավարների, ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոնի» «Գեղարքունիք» մասնաճյուղի տնօրեն Հասմիկ Հարությունյանի, ՀՀ առողջապահական և աշխատանքի տեսչական մարմնի արևելյան տարածքային կենտրոնի Գավառի բաժնի պետ Սվետլաննա Հովհաննիսյանի:

Лента

Рекомендуем посмотреть