80 հազար և 150 հազար դրամով կտուգանվեն Կարմիր գրքում գրանցված ջրաշուշան հավաքողներն ու վաճառողները - RadioVan.fm

Онлайн

80 հազար և 150 հազար դրամով կտուգանվեն Կարմիր գրքում գրանցված ջրաշուշան հավաքողներն ու վաճառողները

2021-06-08 15:19 , Право, 141

80 հազար և 150 հազար դրամով կտուգանվեն Կարմիր գրքում գրանցված ջրաշուշան հավաքողներն ու վաճառողները

Շրջակա միջավայրի նախարարությունից հայտնում են, որ բազմաթիվ ահազանգեր են ստանում մայրաքաղաքի փողոցներում Հայաստանի Հանրապետության Կարմիր գրքում գրանցված ջրաշուշանի վաճառքի դեպքերի մասին։

Քաղաքացիներին, արշավականներին և ներքին տուրիզմով զբաղվող զբոսավարներին հորդորվում էառավելագույն հոգատարությամբ և պատասխանատվությամբ վերաբերվել Հայկական լեռնաշխարհի ամենագեղեցիկ բույսերից մեկին՝ անզուգական գեղեցկությամբ ջրաշուշանին։

Միաժամանակ հիշեցվում է, որ կարմիրգրքյան տեսակի ոչնչացմանը նպաստող ցանկացած գործողություն ենթակա է վարչական տույժի։

Այսպես՝ «Վարչական իրավախախտումների վերաբերյալ» ՀՀ օրենսգրքի 93-րդ հոդվածի համաձայն՝ Հայաստանի Հանրապետության Կարմիր գրքում գրանցված բույսերը, կամ այդպիսի բույսերի արմատները, ծաղիկները, պտուղները ինքնագլուխ հավաքելը` առաջացնում է տուգանքի նշանակում քաղաքացիների նկատմամբ` սահմանված նվազագույն աշխատավարձի ութսունապատիկի (80.000 ՀՀ դրամ) չափով, իսկ պաշտոնատար անձանց նկատմամբ` հարյուրհիսնապատիկի (150.000 ՀՀ դրամ) չափով։

Лента

Рекомендуем посмотреть