Онлайн
Քաղաքացիների տեղաշարժի համար հայ-վրացական Բագրատաշեն-Սադախլո անցակետից բացի կգործի նաև Բավրա-Նինոծմինդա անցակետը։
Անցակետերը բաց են ամեն օր` ժամը 10։00-20։00-ն ընկած ժամանակահատվածում։
Այդ մասին տեղեկացնում է Վրաստանում ՀՀ դեսպանությունը, որն այսօր ավելի վաղ տարածած հաղորդագրությամբ հայտնել էր, որ Վրաստանի ողջ տարածքում գործում է պարետային ժամ՝ 23։00-04։00 ընկած ժամանակահատվածում, ինչպես նաև բաց և փակ տարածություններում դիմակի կրման պարտադիր պահանջ։
«Պարետային ժամը խախտելու դեպքում տուգանքը կազմում է 2000 լարի, իսկ դիմակի չկրման կարգը խախտելու դեպքում՝ 20 լարի (կրկնվելու դեպքում՝ 40 լարի)»,-նշել էին դեսպանությունից։
Ավելի վաղ հայտնել էինք, որ Վրաստանն այսօրվանից՝ հունիսի 1-ից, բացում է կորոնավիրուսի համավարակի պատճառով ավելի քան մեկ տարի փակ պահած ցամաքային սահմանը։
Հարևան երկրի սահմանը հնարավոր կլինի անցնել լիարժեք պատվաստման վկայագրով, այն է՝ պատվաստանյութի 2 չափաբաժինը ստացած, և կամ՝ միայն վերջին 72 ժամվա ընթացքում արված ՊՇՌ թեստի բացասական պատասխանով:
