Онлайн
Կենտրոնական ընտրական հանձնաժողովը (ԿԸՀ) երեկ գումարած արտահերթ նիստում գրանցել է 2021 թվականի հունիսի 20-ի Ազգային ժողովի (ԱԺ) արտահերթ ընտրությունների մրցապայքարին մասնակցելու հայտ ներկայացրած քաղաքական ուժերին։
Ըստ այդմ՝ գրանցվել է 26 քաղաքական ուժ՝ 22 կուսակցություն և 4 կուսակցությունների դաշինք։
Մասնակից ուժերի հերթական համարները հանձնաժողովը որոշել է վիճակահանությամբ, դրանք փոփոխման ենթակա չեն:
Հերթական համարները վիճակահանությամբ սահմանվել են հետևյալ կերպ.
1. «Արդար Հայաստան» կուսակցություն
2. «Հայ Ազգային Կոնգրես» կուսակցություն
3. «Քաղացիական պայմանագիր» կուսակցություն
4. «Զարթոնք» ազգային քրիստոնեական կուսակցություն
5. «Ազատություն» կուսակցություն
6. «Պատիվ ունեմ» դաշինք
7. «Միասնական Հայրենիք» կուսակցություն
8. «Համահայկական ազգային պետականություն» կուսակցություն
9. «Լուսավոր Հայաստան» կուսակցություն
10. «Մեր տունը Հայաստանն է» կուսակցություն
11. «Հանրապետություն» կուսակցություն
12. «Հայոց Հայրենիք» կուսակցություն
13. «Ազատ Հայրենիք» դաշինք
14. «Բարգավաճ Հայաստան» կուսակցություն
15. Հայաստանի դեմոկրատական կուսակցություն
16. «5165 ազգային պահպանողական շարժում» կուսակցություն
17. «Քաղաքացու որոշում սոցիալ դեմոկրատական» կուսակցություն
18. «Շիրինյան-Բաբաջանյան ժողովրդավարների դաշինք» դաշինք
19. «Ազգային օրակարգ» կուսակցություն
20. «Վերելք» կուսակցություն
21. «Ազատական» կուսակցություն
22. «Հայոց Արծիվներ Միասնական Հայաստան» կուսակցություն
23. «Հայաստանի Եվրոպական» կուսակցություն
24. «Հայաստան» դաշինք
25.« Ազգային-ժողովրդավարական բևեռ» կուսակցություն
26. «Ինքնիշխան Հայաստան» կուսակցություն
ԿԸՀ-ն վիճակահանությամբ բաշխել է նաև հինգ քառակուսի մետրը գերազանցող արտաքին գովազդային վահանակներում քարոզչական պաստառներ փակցնելու իրավունքը՝ հաշվի առնելով գովազդային վահանակներում քարոզչական պաստառներ տեղադրելու համար ԱԺ արտահերթ ընտրություններին մասնակցող կուսակցությունների, կուսակցությունների դաշինքների կողմից ներկայացված հայտերը:
Կենտրոնական ընտրական հանձնաժողովը, սեփական նախաձեռնությամբ իրականացրած վարչական վարույթի շրջանակներում կատարած շրջայցերի և Երևանի քաղաքապետարանի աշխատակազմից ստացված փաստաթղթերի ուսումնասիրմամբ, կայացրել է որոշումներ՝ հինգ քառակուսի մետրը գերազանցող մակերեսով մի շարք պաստառներ նախընտրական քարոզչության հետ ասոցացվող ճանաչելու վերաբերյալ։ Ընտրական օրենսգրքի համաձայն՝ նախընտրական քարոզչության անցկացման ժամանակահատվածում նախընտրական քարոզչության հետ ասոցացվող ճանաչված հինգ քառակուսի մետրը գերազանցող մակերեսով պաստառները ենթակա են վերացման:
Հավելենք՝ 2021 թվականի հունիսի 20-ի արտահերթ ընտրություններին գրանցված կուսակցությունների և կուսակցությունների դաշինքների ընտրական ցուցակները հրապարակվել են ԿԸՀ պաշտոնական կայքում։
