Онлайн
Այս րոպեներին Բաղրամյան պողոտայի` դեպի Ազգային ժողով (ԱԺ) տանող ճանապարհահատվածը փակ է ոստիկանական ուժերի կողմից: Տրանսպորտային միջոցներին հորդորվում է ճանապարհը շրջանցել:
Հիշեցնենք` խորհրդարանում արտահերթ նիստ է ընթանում Ադրբեջանի հետ ստորագրվելիք նոր փաստաթղթի հարցով:
«2021 թվականի մայիսի 12-ից Հայաստանի Հանրապետության տարածքային ամբողջականության խախտման, Հայաստանի Հանրապետության նկատմամբ ուժի կիրառման արդյունքում առաջացած իրավիճակում Հայաստանի Հանրապետության կառավարության կողմից իրականացվող գործողությունների մասին» ՀՀ Ազգային ժողովի հայտարարության նախագծի հեղինակ «Լուսավոր Հայաստան» խմբակցությունը կոչ է անում ՀՀ վարչապետի պաշտոնակատար Նիկոլ Փաշինյանին միանձնյա չստորագրել որևէ հայտարարություն:
Նախագծում ընդգծվում է՝ վարչապետի պաշտոնակատարը չի կարող իր ստորագրությամբ ուժի մեջ դնել մի փաստաթուղթ, որը կարող է ուժի մեջ մտնել բացառապես խորհրդարանի վավերացման կամ հանրաքվեի արդյունքում:
Արտախորհրդարանական ուժերն էլ՝ ի դեմ «Պատիվ ունեմ» դաշինքի, հավաք են անում ՀՀ կառավարության շենքի առջև, հայտարարում են՝
«Հայ-ադրբեջանական սահմանի դելիմիտացիա և դեմարկացիա չի կարող լինել, քանի դեռադրբեջանական զորքերը տեղակայված են Հայաստանի ինքնիշխան տարածքում»:
