Սիրիայում երեխաների տառապանքը գագաթնակետին է հասել. այդ մասին բարձրաձայնում է ՅՈՒՆԻՍԵՖ-ը՝ սիրիական հակամարտության վեցամյակի առիթով այսօր տարածած հայտարարությունում.
13 մարտի, 2017թ.-ն, Դամասկոս, Ամման: Սիրիական պատերազմի՝ երեխաների վրա ունեցած ազդեցությունը ռեկորդային է եղել:
Վկայակոչված սպանությունները, հաշմանդամանդամության դեպքերը, պատերազմական գործողություններում երեխաների ներգրավվածությունը անցյալ տարի կտրուկ մեծացել է՝ երկրում բռնությունների շեշտակի աճի պատճառով:
Առնվազն 652 երեխա է սպանվել, ինչը 20 տոկոսով ավելի է նախորդ տարվա համեմամատ՝ դրանով իսկ 2016թ.-ը դարձնելով վատթարագույն տարին սիրիացի երեխաների համար այն պահից ի վեր, երբ 2014 սկսվեց զոհված երեխաների պաշտոնական գրանցումը:
255 երեխա սպանվել է դպրոցում կամ դպրոցի մերձակայքում:
Ավելի քան 850 երեխա է ներգրավվել հակամարտության մեջ որպես զինվոր, ինչը երկու անգամ ավելի է 2015թ.-ի ցուցանիշի համեմատ: Երեխաները օգտագործվում ու ներառվում են առաջնագծում մարտնչելու համար և է՛լ ավելի շատ են ստանձնում մարտական տարատեսակ դերեր. երբեմն նույնիսկ որպես մահվան դատավճիռ իրականացնողներ, մահապարտներ կամ բանտապահներ:
Առնվազն 338 գրոհ է եղել հիվանդանոցների և բուժ անձնակազմի վրա: