«Արևմտյան Զանգեզուրը մեր պատմական հողն է» Ալիևի հայտարարությունը պետք է արժանանա անհրաժեշտ արձագանքի․ ՀՀ ՄԻՊ - RadioVan.fm

Онлайн

«Արևմտյան Զանգեզուրը մեր պատմական հողն է» Ալիևի հայտարարությունը պետք է արժանանա անհրաժեշտ արձագանքի․ ՀՀ ՄԻՊ

2021-05-03 16:45 , Политика, 149

«Արևմտյան Զանգեզուրը մեր պատմական հողն է» Ալիևի հայտարարությունը պետք է արժանանա անհրաժեշտ արձագանքի․ ՀՀ ՄԻՊ

Հայաստանի մարդու իրավունքների պաշտպան (ՄԻՊ) Արման Թաթոյանը հայտարարություն է տարածել, որում անդրադառնալով Ադրբեջանի նախագահի՝ 2021թ. ապրիլի 27-ին արված հայտարարությանն այն մասին, թե «Արևմտյան Զանգեզուրը իրենց պատմական հողն է և այդ տարածքով անցնելու է Զանգեզուրի միջանցքը», ընդգծում է՝ Ալիևի հայտարարությունները պետք է արժանանան անհրաժեշտ արձագանքի։

«Ադրբեջանի նախագահը 2021թ. ապրիլի 27-ին հայտարարել է. «Աշխարհագրական առումով Զանգելանը Արևելյան Զանգեզուրի մաս է կազմում և գտնվում է Արևելյան Զանգեզուրում։ Արևմտյան Զանգեզուրը [նկատի ունի ՀՀ Սյունիքի մարզը] ևս մեր պատմական հողն է և այդ տարածքով անցնելու է Զանգեզուրի միջանցքը»:

ՀՀ մարդու իրավունքների պաշտպանը պարտադիր է համարում Ադրբեջանի նախագահի նման հայտարարությունները դիտարկել հայատյացության ադրբեջանական շարունակվող քաղաքականության, կյանքի ու հոգեկան անձեռնմխելիության, սեփականության ու այլ իրավունքների կոպիտ խախտումների, այն վայրագությունների լույսի ներքո, որ կատարել են ադրբեջանական զինված ուժերը 2020թ. սեպտեմբեր-նոյեմբեր ամիսների պատերազմի ընթացքում ու դրանից հետո:

Ակնհայտ է, որ այս հայտարարությունները լարվածություն են առաջացնում հայաստանյան հասարակությունում, խաթարում են խաղաղ բնակչության բնականոն կյանքն ու հոգեկան անդորրը, նպատակ ունեն ահաբեկել մարդկանց, հատկապես` սահմանային բնակավայրերում:

Այս արձանագրումները բխում են ՀՀ մարդու իրավունքների պաշտպանին ուղղված քաղաքացիների ահազանգերից ու դիմումներից:

Ադրբեջանի նախագահի պարբերական դարձած նման հայտարարությունները, որվերաբերում են Հայաստանի ինքնիշխան Հանրապետությանը և պատմական փաստերի բացահայտ աղավաղում են, խաթարում են խաղաղության և անվտանգության հեռանկարները տարածաշրջանում:

Դրանք պետք է արժանանան անհրաժեշտ արձագանքի, որպեսզի կանխվեն, և առաջ չգան մարդու իրավունքների համար ավելի ծանր հետևանքներ»,-ասված է ՀՀ ՄԻՊ տարածած հայտարարությունում։

Лента

Рекомендуем посмотреть