Онлайн
Ստեփանակերտում գտնվող Ռուսաստանի խաղաղապահ զորախմբի Մարդասիրական արձագանքման ընդունելության կենտրոն է դիմել, ընդհանուր առմամբ, մոտ 3600 քաղաքացի, թեժ գծի միջոցով ստացվել է ավելի քան 800 զանգ:
«Այսօր մեզ դիմել է Արցախի 10 քաղաքացի: Հիմնական խնդրահարույց հարցերը մնում են անհայտ կորած զինծառայողների որոնումը և գնդակոծությունների ժամանակ ավերված տների վերականգնումը: Եւ երկու ֆերմեր էլ խնդրեցին պայթուցիկ առարկաներից մաքրել իրենց այգեգործական հողամասերը»,- Ռուսաստանի Դաշնության պաշտպանության նախարարության (ՊՆ) փոխանցմամբ՝ ասել է Մարդասիրական արձագանքման կենտրոնի ներկայացուցիչ Դմիտրի Սերովը:
Նշվում է, որ հետագայում անհայտ կորածների որոնման աշխատանքներն իրականացնում են Ռուսաստանի խաղաղապահ զորախմբի զինծառայողները՝ Կարմիր խաչի միջազգային կոմիտեի, հայկական և ադրբեջանական կողմերի ներկայացուցիչների հետ համագործակցությամբ:
