«Նրա անունը հավերժ փառքով կմնա հայոց պատմության մեջ»․ Փաշինյանը ցավակցել է Կոմանդոսի մահվան կապակցությամբ - RadioVan.fm

Онлайн

«Նրա անունը հավերժ փառքով կմնա հայոց պատմության մեջ»․ Փաշինյանը ցավակցել է Կոմանդոսի մահվան կապակցությամբ

2021-03-31 18:34 , Политика, 1208

«Նրա անունը հավերժ փառքով կմնա հայոց պատմության մեջ»․ Փաշինյանը ցավակցել է Կոմանդոսի մահվան կապակցությամբ

ՀՀ վարչապետ Նիկոլ Փաշինյանը ցավակցական ուղերձ է հղել Արցախի հերոս Արկադի Տեր-Թադևոսյանի` Կոմանդոսի մահվան կապակցությամբ:

Ցավակցականում ասված է․

«Խորը վշտով տեղեկացա Արցախի հերոս, լեգենդար ռազմական գործիչ, գեներալ-մայոր Արկադի Տեր-Թադևոսյանի՝ մեր սիրելի Կոմանդոսի մահվան մասին:

Արկադի Տեր-Թադևոսյանը փայլուն ռազմական ուղի է անցել և իր գործունեությամբ լավագույնս ծառայել է հայրենիքին՝ մասնակցելով հայ ժողովրդի, Հայաստանի ու Արցախի համար փառապանծ հաղթանակների կերտմանը: Նա Արցախյան ազատամարտի հերոս է, Շուշիի ազատագրման ռազմական օպերացիայի հրամանատար, որը հայտնի է որպես ռազմագիտության դասագրքային օրինակ և վկայում է Կոմանդոսի՝ ռազմական գործի գիտակ լինելու մասին:

Արցախի հերոս Արկադի Տեր-Թադևոսյանը հայրենասիրության և բարձր պրոֆեսիոնալիզմի մարմնավորում է: Նրա անունը հավերժ փառքով կմնա հայոց պատմության մեջ՝ որպես հայ ազգի արժանի զավակ և նվիրյալ զինվորական, ում ողջ գործունեությունը հաղթանակի բերկրանք ու հպարտություն է պարգևել հայ ժողովրդին:

Ցավակցություններս գեներալ-մայոր Արկադի Տեր-Թադևոսյանի ընտանիքին, հարազատներին, մտերիմներին, մեզ բոլորիս։

Հավերժ փա՛ռք նրա հիշատակին»:

Հայտնել էինք, որ այսօր 81 տարեկանում մահացել է Արցախի հերոս, գեներալ-մայոր Արկադի Տեր-Թադևոսյանը։ Կոմանդոսը վերջին օրերին գտնվում էր «Էրեբունի» բժշկական կենտրոնի վերակենդանացման բաժանմունքում՝ ծայրահեղ ծանր վիճակում:

Лента

Рекомендуем посмотреть