Գերեվարվել, զոհվել են զինվորներ՝ գումարտակի հրամանատարի՝ մարտադաշտն ինքնակամ լքելու հետևանքով․ Վահանյանը կալանավորվել է - RadioVan.fm

Онлайн

Գերեվարվել, զոհվել են զինվորներ՝ գումարտակի հրամանատարի՝ մարտադաշտն ինքնակամ լքելու հետևանքով․ Վահանյանը կալանավորվել է

2021-03-18 18:17 , Право, 937

Գերեվարվել, զոհվել են զինվորներ՝ գումարտակի հրամանատարի՝ մարտադաշտն ինքնակամ լքելու հետևանքով․ Վահանյանը կալանավորվել է

ՀՀ քննչական կոմիտեից (ՔԿ) հայտնում են, որ հրամանատարի կողմից մարտադաշտն ինքնակամ լքելու և հրամանը չկատարելու դեպքի առթիվ քրեագիտական վարչությունում քննվող քրեական գործով պարզվել են քննության համար էական նշանակություն ունեցող մի շարք հանգամանքներ:

«Մասնավորապես՝ տվյալներ են ձեռք բերվել առ այն, որ Ի.Վահանյանը, Ադրբեջանի Հանրապետության կողմից Արցախի Հանրապետության դեմ սանձազերծված ագրեսիվ պատերազմի և 2020թ. սեպտեմբերի 27-ին հայտարարված ռազմական դրության ժամանակ զբաղեցնելով ԱՀ պաշտպանության բանակի զորամասերից մեկի ուսումնական գումարտակի հրամանատարի պաշտոնը, հանդիսանալով իր ենթակա անձնակազմի պետը, մարտական գործողությունների ընթացքում չի կատարել իր անմիջական պետի հրամանը, ինչպես նաև ինքնակամ լքել է մարտադաշտը, որի արդյունքում զորամասի ուսումնական գումարտակի անձնակազմից զոհվել, տարբեր աստիճանի մարմնական վնասվածքներ են ստացել և գերեվարվել պարտադիր ժամկետային զինծառայողներ՝ այդ կերպ առաջացնելով ծանր հետևանքներ»,-մանրամասնում են քննչականից՝ հավելելով, որ ձեռք բերված բավարար ապացույցների համակցությամբ՝ հրամանատար Ի.Վահանյանին մեղադրանք է առաջադրվել՝ ՀՀ քրեական օրենսգրքի 356-րդ հոդվածի (հրամանը չկատարելը) 3-րդ մասով և 380-րդ հոդվածի (մարտադաշտն ինքնակամ լքելը կամ զենքով գործելուց հրաժարվելը) 1-ին մասով:

Նրա նկատմամբ որպես խափանման միջոց կիրառվել է կալանավորումը, և վերջինս տեղափոխվել է քրեակատարողական հիմնարկ:

Նախաքննությունը շարունակվում է:

Лента

Рекомендуем посмотреть