Ասկերանում ռուս խաղաղապահների 9-րդ ավանն է բացվել՝ նախատեսված 60 հոգու համար

Լեռնային Ղարաբաղում ռուսական խաղաղապահ զորախմբի անձնակազմի տեղակայման պայմանները բարելավելու համար Ռուսաստանի Դաշնությանպաշտպանության նախարարության (ՌԴ ՊՆ) նյութատեխնիկական ստորաբաժանման մասնագետները Ասկերան գյուղում 60 հոգու համար կառուցել են նոր բլոկ-մոդուլային ավան:

ՌԴ ՊՆ-ից հայտնում են, որ դա խաղաղապահ զորամիավորման անձնակազմի համար կառուցված ավաններից թվով 9-րդն է։

Ընդգծվում է, որ բլոկ-մոդուլային ավանների կառուցումը հնարավորություն է տալիս հարմարավետ կենսապայմաններ ապահովել անձնակազմի համար և հրաժարվել սննդի, լոգարանի և լվացքի կետերից, դաշտային պահեստներից:

«Բլոկ-մոդուլային ավաններն ամբողջովին ինքնաբավ օբյեկտներ են, որոնք հագեցած են կենսապահովման համար անհրաժեշտ բոլոր բաղադրիչներով (էլեկտրամատակարարում, ինքնավար ջեռուցում, սանհանգույցներ, ջրամատակարարում, կոյուղի): Բնակելի սենյակները հագեցած են կահույքով (մահճակալներ, պահարաններ, խոհանոցային հավաքածուներ, սեղաններ, աթոռներ, ցնցուղներ), ինչպես նաև կենցաղային տեխնիկայով (էլեկտրական վառարաններ, սառնարաններ, լվացքի մեքենաներ, միկրոալիքային վառարաններ, հեռուստացույցներ, օդորակիչներ, կաթսաներ)»,-մանրամասնում են ՌԴ ՊՆ-ից՝ հավելելով, որ յուրաքանչյուր ավանի տարածքում կա արհեստական խոտածածկով մարզահրապարակ, լոգարան, բժշկական կենտրոն, չորանոց, հագուստի մաքրման սենյակ, հանգստի սենյակ, գրասենյակ, պահեստ, ճաշարան և մթերային խանութ:

Բլոկ-մոդուլային ավաններն արտադրվում են մասնագիտացված արդյունաբերական ձեռնարկությունների կողմից՝ Ռուսաստանի Դաշնության չափորոշիչների և տեխնիկական պայմանների պահանջներին համապատասխան։