Ստամբուլում գտնվող ինքնաթիռաշինական ձեռնարկությունում սկսել են հավաքել Ուկրաինայի համար նախատեսված «Բայրաքթար» (Bayraktar TB2) հարվածային անօդաչու թռչող սարքերի (ԱԹՍ) խմբաքանակը։
Ուկրաինացի պատգամավոր Իգոր Կոպիտինի ֆեյսբուքյան գրառումից տեղեկանում ենք, որ ԱԹՍ-ները հավաքվում են Ստամբուլի Baykar Defense ինքնաթիռների արտադրությունում:
«Սա եզակի հնարավորություն է՝ ուժեղացնելու մեր երկրի պաշտպանական կարողությունները»,-գրել է պատգամավորը՝ ընդգծելով, որ իրենք մեկ անգամ ևս համոզվել են, որ թուրքական կողմը խստորեն պահպանում է Ուկրաինայի զինված ուժերի առջև ստանձնած պարտավորությունները:
Այն փաստը, որ Ուկրաինան Թուրքական Bayraktar ընկերության հետ համաձայնագրի շրջանակում երկրում ԱԹՍ-ների արտադրությունը տեղակայելու մասին համաձայնությամբ պայմանավորված համապատասխան ձեռնարկություն է փնտրում՝ հայտարարել է Ռազմավարական արդյունաբերության գծով փոխվարչապետ Օլեգ Ուրուսկին՝ դեռ 2020-ի հոկտեմբերին։